Travelliker 的部落格

新加坡自由行攻略旅程，第一站梗喺去坐落於新加坡聖淘沙島炮兵大道8號嘅新加坡環球影城啦！新加坡環球影城喺2010年3月18日開試營運，並且喺2011年5月28日正式開幕，僅次於日本大阪後亞洲第二座環球影城。

影城一共分7個主題區：好萊塢、紐約、古埃及、失落的世界、馬達加斯加、遙遠王國、科幻城市。

入到大門，第一個主題區喺好萊塢，仿照美國經典好萊塢大道，大道上有好多不同類型嘅禮品商店，而且路上周不時會有一啲人扮公仔主動同遊客合影。

然之後就去睇史力加4D，效果非常震憾。

馬達加斯加主題區，小朋友嚟到一定會好開心。

喺未來水世界主題區，每日都有特定嘅表演時間，而且演員表演得好專業，成場表演都精彩刺激。但係要注意嘅喺如果當日天氣唔好，有關表演可能會臨時取消。

木乃伊後邊喺一個室內過山車，大家不妨入去玩吓。

呢個過山車分為藍、紅兩條線，藍色線路比紅色線路刺激，遊客可以根據自己嘅情況嚟選擇邊一條線路。唔喺講笑，藍色條線真係堅刺激。

最後去睇變形金剛4D電影，呢個唔係一套電影咁簡單，佢係可以令你置身其中，喺摩天大樓上跳嚟跳去，同其他敵人戰鬥，真係又刺激又難忘。

新加坡環球影城絕對係新加坡之旅必去嘅景點之一，如果唔想咁逼，大家可以選擇閒日去玩，包你玩唔停手。

更多精彩星加坡內容盡在： http://www.travelliker.com.hk/attraction/singapore/

資訊

地址：新加坡聖淘沙島炮兵大道8號

開放時間：10：00 – 19：00

門票 ：SGD 74(成人)，SGD54(兒童)